शाहरूखका लागि पूनम नाङ्गिन तयार

क्रिकेट दुनियासँग सर्वाधिक जोडिएकी बलिउडकी मोडेल पूनम पाण्डे चर्चामा आउन कहिले ट्विटरमा 'हट' फोटोहरू पोष्ट गर्ने त कहिले नाङ्गिने बताउँने गरेकी छिन् । उनलाई जब आफ्नो चर्चा कम भएको भान हुन्छ तब केही न केही गर्छिन् आफ्नो चर्चालाई कायम राख्न । यस्तै शिलशिलामा उनले एक टेलिभिजन सो दिएको अन्तरवार्ताको क्रममा आफू शाहरूख खानको लागी नाङ्गिन तयार रहेको बताएकी छिन् । 

आफू शाहरूखको ठूलो फ्यान भएको बताउँदै जारी आईपिएलमा कोलकोत्ताले लगातार दुई खेल हारेकोले यदी शाहरूखले आफूलाई आफ्ना खेलाडीहरूको हौसला बढाउन नाङ्गिन आग्रह गरे आफू तयार रहेको बताएकी छिन् । 

यदी उनी नाङ्गिइन् भने कसैलाई बेफाइदा नहुने बताउँदै यसले शाहरूखको टिमलाई जित्नका लागी हौसला मिल्ने बताएकी छिन् । 

उनले यसअघि सन् २०११ मा यदी भारतले विश्वकप जिते आफू खेलाडी सामू नाङ्गिने बताएर चर्चा बटुलेकी थिइन् । अब हेरौ उनको नाङ्गिने इच्छालाई शाहरूखले पूरा गरिदिन्छन् या गर्दैनन् ।