| Follow @EkhojiNepal |  |
अमेरिकाको न्युयोर्कस्थित ब्रूकलिन पुलमुनि लडिरहेको एक लासका कारण हालै त्यहाँ ठूलै हंगामा भयो । उक्त लास सुँगुरको भएको सरकारी अधिकारीहरुले दाबी गरेपनि सर्वसाधारण तथा कतिपय जनावरविद्हरुको चित्त बुझेन । उनीहरुले त्यो लास नदिको राक्षस भएको जिकिर गरे ।
फोटोग्राफर डेनाइज गिन्लेले आइतबार कुहिन थालेको, बालुवाले ढाकिएको उक्त सुँगुर जस्तै जनावरको लासको फोटो पहिलोपटक खिचेकी थिइन् । बजार जाने क्रममा पुलमुनि अनौठो जनावर मरिरहेको देखेपछि ब्वायफ्रेन्डसँग हिँडिरहेकी उनले उक्त जनावरको नजिकै गएर समेत केही फोटो खिचिन् । त्यसपछि उनले उक्त फोटो साथीभाइलाई देखाइन् र स्थानीय एक पत्रिकामा समेत छपाइन् । त्यसपछि उक्त जनावरको बारेमा निकै हल्लीखल्ली भयो ।
यो जनावर के हो ? भन्ने बारेमा ठूलै हल्लीखल्ली भएपछि स्थानीय पार्कका अधिकारीहरु उक्त लास सुँगुरको भएको र पार्कले नै उक्त लास त्यहाँ फालेको बताएर स्पष्टीकरण दिए । तर उक्त जनावरको लामो पुच्छर तथा खुर नभएका खुट्टा भएको हुँदा त्यो सँगुर नभएको मानिसहरुले जिकिर गर्न थाले ।
पार्क व्यवस्थापनले उक्त जनावरको लासलाई नष्ट गरिसकेको छ तरपनि यो जनावर के हो भन्नेबारेमा भने अझै यथार्थ जानकारी हुन सकेको छैन । कतिपय वन्यजन्तुबिद्हरुले उक्त जनावर सुँगुर नभएर र्याकुन वा मुसा जातको ठूलो जन्तु भएको अड्कल काटेका छन् ।
यो जनावरको खास जात खुल्न नसकेपछि यो पानी राक्षण वा रिभर मोनस्टर भएको निष्कर्ष सर्वसाधारणले निकाले ।
No comments:
Post a Comment